(чоҥештылше аппарат)

Кок палубан корабль двухпалубный корабль;

латкок пушкан корабль двенадцатипушечный корабль;

парусан корабль парусный корабль.

Теҥыз флотлан кугу корабль-влакым ышташ йӧршӧ чодыра Роҥго ден Изи Кундыш эҥер кундемлаште ожно моткоч шуко лийын. «Ончыко» Строевого леса, годного для постройки крупных морских кораблей, раньше было очень много в бассейнах рек Ронги и Малого Кундыша.

Космосысо корабль космический корабль.

Корабль конструкций-влак корабельные конструкции.

Авиацийыште служитлаш служить в авиации;

гражданский авиаций гражданская авиация;

военный авиаций военная авиация.

Авиаций кече День авиации;

авиаций пашаеҥ-влак авиационные работники.

Кастене ола ӱмбаке аэростат-влак нӧлталтыт. «Ямде лий!» Вечером над городом поднимаются аэростаты.

Вертолёт волен шинче вертолёт сделал посадку;

вертолёт дене чоҥешташ лететь на вертолёте.

Вертолёт эше кӱшкырак нӧлталте да эрвелыш, нӧлтшӧ кече ваштареш чоҥештыш. А. Мурзашев. Вертолёт поднялся ещё выше и полетел на восток, навстречу восходящему солнцу.

Вертолёт шичме вер место посадки вертолёта;

вертолёт шулдыр лопасть вертолёта.

Теве тора вер гычак вертолёт йӱк шоктыш. А. Мурзашев. Вот издалека послышался рёв вертолёта.

Дирижабльым ышташ строить дирижабль.

Аэроплан ден дирижабль кеч-могай пашаштат кугу полышым пуэн кертыт. «У илыш» Аэроплан и дирижабль в любом деле могут оказать большую помощь.

– Рвезе-влак, тиде нимогай дирижабль огыл, аэростат, – занятийым кӱрлын, Василий Фёдорович умылтараш тӱҥале. – Ребята, это никакой не дирижабль, а аэростат, – прервав занятие, начал объяснять Василий Фёдорович.

Космический ракет космическая ракета.

Тул кайыкла ракет лектын сандалыкыш, кавам пролен. М. Емельянов. Как жар-птица, ракета вышла в космос, пробуравив небосвод.

(Осяндр:) Стенгазетыштат тудым (Тимошкам) ракет ӱмбалан веле сӱретлат, а мыйым чыве ӱмбалан. А. Волков. (Осяндр:) И в стенгазете Тимошку рисуют только на ракете, а меня на курице.

Ракет кавам волгалтарен колтыш. Н. Лекайн. Ракета осветила небо.

Самолёт дене чоҥешташ лететь на самолёте;

йӱлышӧ самолёт горящий самолёт.

Кӱшнӧ-кӱшнӧ, пыл лоҥгаште, самолётшо чоҥешта. Муро. Высоко-высоко в облаках самолёт летит.

Камчатка гыч самолёт дене толынам. В. Бояринова. С Камчатки я прилетел на самолёте.

Самолёт шулдыр крылья самолёта;

самолёт йӱк гул самолёта;

самолёт корно следы самолёта.

Тыгодым йоҥгалте сирене виян, шокта самолёт мӱгыралме. В. Дмитриев. В это время громко завыла сирена, слышится рёв самолёта.